mahal...ang...bacon part 5

Pagdating namen sa Bukidnon syempre hindi mawawala ang picture taking. "Akina, picture-an kita" kinukuha nya saken camera ko. And guess what? hindi ako tumanggi. Para tuloy akong mowdel na hiyang hiya sa kanyang photographer. Ang ending puro pa-demure tuloy ang pose ko. Kainesh nemen kashe eh.

Isa rin sya sa masigasig na nag-convince saken na yung longest zipline na daw ang i-try ko. Takot talaga kasi ako kaya ang tagal kong kumuha ng lakas ng loob. Mga 1 minute siguro. Sige pa i-convince mo pa ko, sabi ko sa kanya pero sa isip ko lang.

Naligaw kami pabalik. Panong hindi, imbes na sa kalsada sya nakatingin habang nagda-drive eh saken sya nakatingin. Wahaha assuming na naman ako. Nalito daw sya sa dinaanan namen kanina. Woooh palusot. Pinipigilan ko na nga sarili ko na wag sumilip sa rearview mirror para focus ka na sa pagda-drive kaya lang nililingon mo naman ako.

Pagdating namen sa Cagayan de Oro kumain lang kami sa Mykarelli's Grill ng napakasarap na chicken inasal tapos deretso na sa Iligan.

Two hours ang byahe. Kwentuhan. Tulog. Kwentuhan. Tulog. Syempre bilang sya ang driver bawal sya matulog pero nakatulog din sya habang naka-stop yung sasakyan kasi traffic. Ginising na lang namen sya after 15 mins joke. Nag-offer na si Albert na sya muna ang magda-drive ayaw naman ni Mikko. Bisita daw kami dapat relax kami. Paano kami makakapagrelax kung inaantok ang driver ng sinasakyan namen? Syempre di ko sinabi yan, kwentuhan na lang ulet para di sya antukin.

Gabi na kami nakarating ng Iligan. Check in sa napakamurang lodge, overnight stay sa halagang 400 pesos. He had to leave us there kasi may aatendan pan syang convention somewhere in Iligan din naman. Babalikan na lang daw nya kami kinabukasan ng 7am para sa 3rd day itinerary namen.

Nagkaroon pala kami ng conflict sa pag-check in. Twin sharing na lang lahat ang available na room and we are 4. Automatic na magkasama yung mag-jowa sa isang room. Takot na ko mag-isa sa room dahil nga sa makapanindig balahibo kong experience sa Bohol. Pero mas kakayanin ko sigurong makatabi ang multo kesa makatabi si Sir Chief hahaha. Unang una wala kaming relasyon, pangalawa ayaw din nya kong makatabi wahaha. Kaya ayun nagtapang-tapangan na naman akong mag-solo ng room. In fairness wala naman akong naramdamang kakaiba. Pero hindi pa rin ako nakatulog ng maayos sa kapraningan.

eto yung naging room ko

Kinabukasan 7am naka-prepare na kami, wala pa rin si Mikko. Nag-breakfast muna kami while waiting. 8:00am wala pa rin. Tapos na kami kumain. Hindi na sya tinitigilan ni Albert na tawagan pero hindi sinasagot. Ano kayang nangyari dun? Kakapusin na kami sa oras dahil babalik pa kami sa Cagayan de Oro for our flight pabalik ng Manila kaya we decided to take a cab na lang papuntang Maria Cristina falls at doon na lang sya pasunurin. Pero bago pa kami makababa ng lodge tumawag na sya. Papunta na daw sya within 30 mins.

Dumating sya at exactly 9am. Nagkayayaan pa daw sila ng mga friends nya na kasama sa convention na mag-inom at 5am na sya nakatulog. So ayun ang nangyari napuyat pala ang lolo.

Maria Cristina falls dapat ang una nameng pupuntahan. Kaya lang nagkaligaw ligaw kami doon. Nakakatawa  lang kasi Maria Cristina falls ang tinatanong nameng direction sa mga locals pero papuntang Tinago falls ang tinuturo nilang daan. Andun na lang din kami sa way ng Tinago falls kaya dun na muna kami nagpunta.

Tinago falls

Pagdating sa falls, syempre picture taking agad. This time, yung mga nag-guide samen ang nag-take ng picture. At habang nagpipictorial ako andyan lang sya nakabantay saken. Puro pa-demure pose na naman tuloy ako.

ang ganda ng falls noh? pero mas maganda ako

Sayang ang bulaklakin kong two piece kung hindi makikita sa picture. Nakita ko na nakatingin pa rin sya saken. Awkward naman ata kung sa harap nya ako maghuhubad. Eh mukang wala syang balak na alisin ang tingin saken so tumalikod na lang ako. Lumabas ng slight ang naughtiness in me kaya dahan dahan kong hinubad ang suot kong red na tank top (dahan dahan talaga). Akala nio kung anong hinubad ko noh? Na-expose ang top ng bulaklakin kong two piece. Hindi ko nakita yung reaksyon nya pero feeling ko nganga sya, ang sexy ko kaya bwahahaha.

After ng pictorial, naligo na kami sa falls. Hindi sya naligo kasi hindi daw sya nakapagdala ng extra na shorts.

Gustuhin ko mang tapusin ito dito pero ang haba na naman. Kaya't pasensya na po may isa pang episode. Promise last part na yun.


To be continued...