mahal...ang...bacon part 3

"May girlfriend ka ba Mikko?" Alam kong natanong na ni Albert to pero alam kong gusto nya lang na marinig ko mismo kay Mikko ang sagot.
"Wala" ang tipid ng sagot.
"Bakit wala? Dapat meron para may katulong ka na sa pag-aasikaso ng negosyo." Ngumiti lang sya.
"Gusto mo na bang magka- girlfriend? May ipapakilala ako sayo. Maganda, mabait at negosyante din. Kaya lang taga-Manila." Hindi ako nag-rereact pero alam kong ako ang tinutukoy ni Albert, hindi ako nag-assume this time. Ngiti na naman ang sagot nya.

Anu ba naman, wala ba talaga akong maririnig sayo? Kahit man lang itanong mo kung sino yung tinutukoy ni Albert. Sige na nga, ok na yung ngiti mo, alam ko namang alam mo na ako ang tinutukoy ni Albert eh. Ayan nag-assume na naman ako.

Magkatabi kami ng upuan. Ang lapit nya saken. Yung tipong pag lumingon ako at lumingon din sya maglalapat na ang mga labi namen. Syempre eksaherada lang hindi pa maglalapat, magkakatitigan lang muna. Pero kahit na magkalapit kami at ang mga kausap namen eh sinadya atang iurong ang mga upuan para makalayo ng konti at mabigyan kami ng privacy eh grupo pa rin ang kwentuhang nangyari. Kainis hindi man lang ako sya nakadiskarte.

Nang mabusog kami sa dalawang bucket ng beer we decided to go home na. Pagod na rin kami at naubos ang energy sa rafting. Pero hindi kami dumerecho ng uwi. On the way kasi naisip nyang dalhin muna kami sa beach medyo malapit lang naman. Nabitin ata sya sa dalawang bucket ng beer kaya habang nakatambay kami sa beach eh lumalaklak pa rin sila.

Lumalaklak ang mga boys at nagkkwentuhan naman kami ni Liza habang nakatingin sa mga stars. Biglang may bumagsak na falling star (bumagsak na falling pa redundant much). Ang bilis hindi na naman ako nakapag-wish. Namiss ko tuloy nung highschool pa ko. Sa Batangas, halos every other night nasa beach kami at madalas din akong makakita ng falling star. Anyway that's another story. We stayed there for about 30 minutes. Nag-aya na rin agad kami kasi di na talaga kaya ng powers ko pumipikit na ng kusa ang malalaki kong mga mata.

Almost midnight ng makarating kami sa bahay nila. Ipinagbukas nya ko ng pinto ng sasakyan and offered his hand to me para alalayan akong bumaba. "Kaya mo?" Bababa lang sasakyan hindi ko pa kakayanin eh mani nga lang saken ang rafting. Lasing na ata at naging gentleman na. Oo na, kinilig na ko ng konti dun, konti lang. Pero dahil pakipot ako I didnt grab his hand. "Kayang kaya." Sabay sumabit yung paa ko sa upuan ng sasakyan at muntik akong masubsob. Oh shet pahiya ako dun ah. Nakita kong aktong sasaluhin nya ko pero napakapit na ko sa upuan. Naunahan sya ng upuan ang bagal nya kasi.

May mga echoserong dogs nga pala sila na tahol ng tahol pagpasok namen ng gate. Although nakatali eh napakandirit pa rin ako papunta sa pinto ng house. Nauna kaming dalawa sa pinto. Naiwan yung iba sa gate. Ayan na naman, we're close to each other again. Yung tipong maamoy ko na ang hininga nya kapag nagkaharap kami, ganon ka-close at hindi yun eksaherada ah. Tahol pa rin ng tahol ang mga echoserong dogs. Gusto ko na tuloy sumiksik sa malaki at malaman nyang dibdib. Konting tahol pa ng mga echoserong dogs at magta-tarsier jump na sana ako sa kanya kaya lang bumukas na ang pinto.


To be continued...