after those busy days

Hello Philippines and hello world! Toni G. on PBB lang ang peg. Busy busy-han ako this past few days medyo maraming inaasikaso sa negosyo tapos month end pa at swelday kaya ayun panggap na naman ako. Buti na lang after busy days merong "ganap" na pangbalanse at iyon ang bet kong ikwento.

Ang ganap ngaung first day of September ay ang birthday blowout ng isang ka-tropa na si Kiko, hubby ni bff Nahnah of Hash Coffee Table Book. Kahit nasa ibang continent sya dapat may celebration pa rin kami, required yun, ganyan kami magmahalan sa tropa. 

Nauna kami nagkita nina Ash and Nahnah. Sinamahan muna kasi namen si Ash sa first fitting ng wedding gown nya. After the fitting gora na kami sa Trinoma at ayun sa Kamay Kainan kami dinala ng aming mga gutom na sikmura.

Kamay Kainan was a buffet restaurant serving Filipino foods. Yung tipong parang nasa fiestahan ka lang or sa handaan sa bahay, pwede ring sa carenderia lang ang peg. Sa halagang 289.16 pesos, lafang-all-you-can na!

Gutom na ko pero mukang matatagalan pa dumating yung ibang ka-tropa plus kahit saan ako tumingin pagkain lang ang nakikita ko kaya we decided to have an appetizer muna habang naghihintay sa iba.

Ito ang desserts nila pero ginawa nameng appetizer.

Pero, dahil nga nagwawala na ang tummy ko, ito ang ginawa kong appetizer. Sa pancit at longganisa lang ako nasarapan, medyo matabang yung ginataang langka. Pero naubos ko rin syempre, walang choosy choosy sa gutom na tummy.

After 2 years, dumating na yung dalawa pero mukang after another 2 years pa dadating yung dalawa pa kaya nauna na kami kumain.

Rihelle, Ernie, Ashell, Me and Nah

this is my main course plate.. remember, appetizer lang yung nauna :P

In fairness, masarap lahat yung nakuha ko this time, binalikan ko talaga yung pancit at longganisa. This is not my first time sa Kamay Kainan, pagdating sa Filipino food buffet resto the best na sila for me, kesa naman dun sa nakainan kong Filipino food buffet din last week walang kalatuy latoy ang food. Pero alam nyo ba kung ano talaga ang pinipilahan sa Kamay Kainan?

this is my favorite! cheese and mango flavor sarap...

The best ice cream I ever tasted. O.A. na kung O.A. but for me eto talaga ang pinakamasarap na ice cream na natikman ko. Mas masarap pa kesa sa magnum. Pagdating pa lang namen napansin ko na agad na box office ang ice cream na to. Nalungkot ako nung first time na natikman ko to as in tikim lang talaga, hindi ko nai-todo kasi ubos na sya at wala ng pang-refill kaya this time I made sure na hindi ako mauubusan thats why naka-2 bowls ako.

Busog na kami lahat nung dumating yung dalawa pa kaya habang lumalafang sila nakabantay na lang kami. Pinalipat din pala kami ng table kasi almost 3pm na, nagsasara na sila ng ibang section ng resto.

That guy in white is Dave, our new adopted tropa, he's with Arnold  (across him).

Saktong 3pm sila natapos kumain at habang papalabas na kami ng resto, this thing caught my attention. A two-sided electric fan. First time kong makakita nito kaya ayan I took a photo at naaliw din talaga akong tingnan sya, parang bata lang na nakakita ng toy.













We headed to Centerstage Timog after ng lafang. Medyo matagal tagal na rin ang huling concert namen at namiss ko na ring kumanta. Something wrong? No there isnt, talagang past 3pm pa lang magko-concert na kami. Bakit? Kasi may kasama kaming nanay na, we have to adjust din naman paminsan minsan.

Madalas na kami sa Centerstage Timog, hindi ko na mabilang kung ilang beses. Aside from out-of-town trips and travels, singing is our tropa's ultimate bonding. Yung tipong magrerent ng videoke machine tapos kakanta hanggang madaling araw kahit na feeling namen eh tatawag na ng barangay ang mga kapitbahay gow pa rin. Lahat kami mahihilig kumanta kahit na parang tumutula lang, umiiyak, umuungol o sumisigaw ang kinalalabasan ng kanta hindi pa rin papaawat. One of my frustration is to be a famous singer. Sobrang hilig ko talagang kumanta kahit na wala namang kahilig hilig saken ang kanta. Natatanggal ang stress ko kapag kumakanta ako eh. And good thing is lahat naman kami hindi kagandahan ang boses kaya hindi ako nahihiya sa kanila bwahaha!

After 3 hours ng kantahan, sayawan, tawanan at kulitan, we decided to end the night at as early as 7pm. Kumbaga sa iba nagsisimula pa lang, kami tapos na. I remember one of the staff asked us "what time po kayo dumating?", "past 3(pm)" we answered, "ah kaya pala, mga family oriented" and we all laughed.

Happy Birthday Kiks! Sana napasaya ka namen sa birthday mo kahit na malayo ka. Thank you sa blow out. We missed you so much. Lapit na December yehey dont forget my pasalubong ok na saken ang Samsung Galaxy S3 kakahiyan naman kung i-phone pa eh. We love you!

P.S.
September na mga blogger friends! Start na ng ber months at dahil dyan gusto ko kayong batiin ng "Merry Christmas!". Ako ang unang bumati sa inyo noh? At dahil dyan, dont forget my gift sa Pasko ah. *wink*