isang linggo

Isang linggo pa lang naman ang nakararaan mula nung una kong marinig ang iyong tinig
ngunit palagi ko na itong inaasam asam na marinig. Hinahanap hanap ng aking puso ang boses mong
wari'y palaging nagsusumamo.

Isang linggo pa lang ngunit nasanay na ako na pangalan mo ang mababasa ko na nagmensahe sa celfon ko. At sa umaga ang una kong binabasa ang "good morning" mo.

Isang linggo pa lang ngunit sa pakiramdam ko'y hindi kumpleto ang araw ko na hindi ka nakakausap o wala akong nababasang mensahe mula sayo.

Isang linggo pa lang pero kinikilig na ko sa mga sinasabi mo na kahit wala namang kwenta o kaya ay simpleng "ingat ka", "kumain ka na" o "miss kita".

Isang linggo pa lang naman pero baket palagi ka ng tumatakbo sa isipan ko?

Isang linggo pa lang pero pakiramdam ko loyal na ako sayo kahit hindi naman kita nobyo.

Isang linggo pa lang ngunit agad ay nagbago ka na?
Wala ng "good morning", wala ng "kumain ka na", wala ng "miss kita".

Isang linggo pa lang naman pero bakit nalulungkot na ang puso ko sa iyong pagbabago. Para sayo ba ano ito? Isang linggong panloloko?